Bakı. 15 avqust. REPORT.AZ/ Kubanın daxili məsələləri heç vaxt ABŞ-la müzakirə olunmayacaq. "Report" "Qazeta.ru"ya istinadən xəbər verir ki, bunu Kuba Xarici İşlər Nazirliyinin ABŞ-la münasibətlər şöbəsinin müdiri Jozefina Vidal bildirib.
Onun sözlərində görə, daxili məsələlərlə bağlı qərarlar müzakirə olunmur və ABŞ-la danışıqların gündəliyinə çıxarılmayacaq.
Diplomat ABŞ dövlət katibi Con Kerrinin Kuba hökumətinin ölkədə insan haqları ilə bağlı vəziyyəti yaxşılaşdırana qədər Konqresin sanksiyaları aradan qaldırmayacağı barədə sözlərini də şərh edib: "Kuba bunu cavablandırmağa ehtiyac görmür".