ABŞ Prezidenti Donald Tramp və onun administrasiyası ABŞ Federal Ehtiyatlar Sisteminin (FED) sədri Cerom Pauelin tutduğu vəzifədən mümkün uzaqlaşdırılmasını nəzərdən keçirir.
“Report” TASS-a istinadən xəbər verir ki, bu barədə jurnalistlərə Ağ Evin Milli İqtisadi Şurasının rəhbəri Kevin Hasset bildirib.
“Prezident və komandası bu məsələyə baxmağa davam edəcək”, - o deyib.
Xatırladaq ki, dünən Tramp arzu edərsə, FED rəhbərinin vəzifəsini tərk etmək məcburiyyətində qalacağını söyləmişdi.
Qeyd edək ki, Pauel 2018-ci ilin fevralında vəzifəsinin icrasına başlayıb, 2022-ci ildə isə ikinci müddətə yenidən seçilib. Onun səlahiyyət müddəti 2026-cı ilin mayında başa çatır.