“Çin Xalq Respublikasının Sədri Si Cinpin “Böyük-20”lik (“G-20”) liderlərinin sammitinə gəlməzsə, onlara təcili olaraq yeni rüsumlar tətbiq edəcəyik”.
“Report” CNBC-yə istinadən xəbər verir ki, bunu ABŞ prezidenti Donald Tramp bildirib.
Onun sözlərinə görə, Çin sammitə qatılmazsa, rəsmi Pekinə yeni rüsum tətbiq etməkdən çox məmnun olacaqlar.
Qeyd edək ki, iyunun 29-da Yaponiyanın Osaka şəhərində “G-20”liyin sammiti keçiriləcək. Bir müddət əvvəl Çin rəhbərliyinin bu tədbirdə iştirak etməyəcəyi barədə xəbər yayılıb.