Serbiyanın Respublika Seçki Komissiyası (RIK) növbədənkənar parlament seçkilərinin keçirilməsi ilə bağlı seçki prosesinin təqvimini açıqlayıb.
"Report"un Balkan bürosu xəbər verir ki, RIK-nın açıqladığı təqvimə əsasən, seçki siyahılarının təqdim edilməsi üçün son tarix 4 oktyabr, seçici siyahısının yekunlaşdırılması və seçicilərin ümumi sayının müəyyənləşdirilməsi üçün son tarix isə 9 oktyabr müəyyən edilib.
Seçkiqabağı təbliğat-təşviqatın səssizlik dövrü 22 oktyabr saat 00:00-da başlayacaq və 25 oktyabr saat 20:00-dək, yəni seçki məntəqələri bağlananadək davam edəcək.
Bundan əlavə, yekun seçki siyahısının müəyyənləşdirilərək "Službeni glasnik"də dərc olunması 9 oktyabradək həyata keçirilməlidir.
Xatırladaq ki, Serbiya Prezidenti Aleksandar Vuçiç seçki siyahısına imza ataraq keçiriləcək səsverməyə dəstəyini ifadə edib.