Pakistanda leysan yağış nəticəsində tikilinin damının uçması nəticəsində azı 6 nəfər ölüb, daha 18 nəfər yaralanıb.
"Report" xəbər verir ki, bu barədə yerli "ARY News" telekanalı məlumat yayıb.
Məlumata görə, hadisə Pəncab əyalətinin Sahival şəhərində baş verib. Ölənlər arasında beş qadın da var.
Hadisə yerinə cəlb olunan polis və xilasetmə qüvvələri güclü yağış və qaranlıq səbəbindən böyük çətinliklərlə üzləşib.
Aralarında qadın və uşaqların da olduğu yaralılar tibbi yardım üçün xəstəxanaya aparılıb.