Bakı. 22 sentyabr. REPORT.AZ/ Ukraynanın Lvov vilayətinin məhkəməsi Gürcüstanın keçmiş prezidenti, Odessa vilayətinin eks-qubernatoru Mixeil Saakaşvilinin Ukrayna dövlət sərhədini qeyri-qanuni keçməsinə dair işə baxılmasını davam etdirib.
Bu barədə "Report" UNİAN-a istinadən xəbər verir.
Məlumata görə, M.Saakaşvili iclasa gəlməyib və bunu bu günə planlaşdırılan mitinqlərlə əlaqələndirib.
Qeyd edək ki, Ukrayna vətəndaşlığından məhrum edilən M.Saakaşvili sentyabrın 10-da tərəfdaşlarının köməyi ilə "Şeqini" nəzarət-buraxılış məntəqəsindən Polşa-Ukrayna sərhədini keçməyə müvəffəq olub.