Bakı. 12 noyabr. REPORT.AZ/ Misirdə kiçik üçtəkərli nəqliyyat vasitəsinin su kanalına düşməsi nəticəsində 7 məktəbli həyatını itirib.
“Report” TASS-a istinadən xəbər verir ki, bu barədə şənbə günü "Əl-Yaum əs-Sabia" nəşri məlumat yayıb.
Polisin məlumatına görə, faciə Qahirənin şimalında yerləşən Buheyra əyalətinin Damanhur şəhəri ətrafındakı kiçik yaşayış məntəqəsində baş verib.
Misirin bir çox şəhərlərində ictimai nəqliyyat kimi istifadə olunan tuk-tuk (üçtəkərli motosiklet) idarəetmədən çıxaraq kanala düşüb. Məktəbliləri xilas etmək mümkün olmayıb.