Bakı. 13 avqust. REPORT.AZ/ İsveçin Malmö şəhərində atışma olub.
"Report" xəbər verir ki, bu barədə "Aftonbladet" polisə istinadən məlumat yayıb.
Polisin məlumatına görə, hadisə zamanı 3 nəfər yaralanıb. Yaralılar xəstəxanaya yerləşdirilib. Onlardan 2-nin vəziyyətinin ağır olduğu bildirilir.
Hadisə zamanı binada təxminən 100 nəfər olub. Ərazidə hüquq-mühafizə orqanlarının və təcili yardımın əməkdaşları işləyir.
"Sydsvenskan" isə hadisə ilə bağlı hələlik heç kimin saxlanılmadığını bildirib. Hadisənin digər təfərrüatları barədə məlumat verilmir.