Bakı. 24 fevral. REPORT.AZ/ İraq Suriya ərazisində İŞİD terror təşkilatına qarşı ilk aviasiya reydlərinə başlayıb.
"Report" "Deutsche Welle"yə istinadən xəbər verir ki, İŞİD-ə ilk aviazərbələr Suriya-İraq sərhədi yaxınlığında endirilib.
İraq ordusundan bəyan ediblər ki, reydlər ekstremistlərin bu yaxınlarda Bağdadda törətdikləri terror aktlarına cavab olaraq həyata keçirilib.
"Biz uşaq və vətəndaşlarımızı qətlə yetirən terrorçuları harada olurlarsa-olsunlar, izləməyə çalışırıq", - deyə İraqın baş naziri Heydər əl-Abadi bildirib.