Bihar ştatında (Hindistan) Qanq çayında qayığın aşması nəticəsində 13 nəfər ölüb.
"Report" "Hindustan Times"a istinadən xəbər verir ki, bu barədə Vayşali administrasiyasının rəhbəri Varşi Sinqh bildirib.
"Ölənlər arasında 9 qız və 4 oğlan var, onlardan ən kiçiyinin 6 yaşı, ən böyüyünün isə 16 yaşı var", - o bildirib.
Onun sözlərinə görə, xilas edilən altı nəfər xəstəxanada müalicə alırlar.
Qayıqda 20-yə yaxın şəxs olub.