Bakı. 28 aprel. REPORT.AZ/ Əfqanıstanın şimal-şərqində - Bədəxşan əyalətində torpaq sürüşməsindən sonra azı 52 nəfərin meyiti uçqun altından çıxarılıb. "Report" xəbər verir ki, bu haqda Əfqanıstan KİV-i məlumat yayıb.
Dağıntılar altından çıxarılanların 25-i qadın, 22-si uşaq, 5-i kişi meyitidir.
Məlumatda bildirilib ki, güclü qar yağdığından yollar bağlanıb və axtarış-xilasetmə əməliyyatı aparmaq çətinləşib.
Xatırladaq ki, ötən ilin mayında 350 nəfər Bədəxşan əyalətinin Arqu rayonunda baş vermiş torpaq sürüşməsinin qurbanı olub.