ABŞ prezidentliyinə namizəd Donald Trampın prezident seçkilərində qalib gəlmə ehtimalı 61 faizdir.
"Report" TASS-a istinadən xəbər verir ki, bu barədə "Polymarket" bukmeker agentliyinin məlumatında deyilir.
Agentliyin hesablamalarına görə, Trampın rəqibi Kamala Harrisin şansı isə 39 % təşkil edir. Ağ Evin keçmiş rəhbərinin qələbəsinə təxminən 1,3 milyard dollar, hazırkı vitse-prezidentinin qələbəsinə isə 808 milyon dollar pul qoyulub.
Qeyd edək ki, bu gün ABŞ-də prezident seçkiləri keçirilir.