Almaniyanın Şessel yaşayış məntəqəsində (Aşağı Saksoniya federal torpağı) atışma nəticəsində 4 nəfər həlak olub.
“Report” bu barədə “Bild” qəzetinə istinadən xəbər verir.
Bildirilib ki, hadisəni törətməkdə şübhəli bilinən şəxs hərbçidir.
İlkin məlumatlara görə, cinayət martın 1-də gecə fərdi yaşayış evində baş verib. Hadisəyə səbəb kimi ailə daxilində fikir ayrılıqları göstərilir. Amma atəş açan şəxsin və ölənlərin kimliyi məlum deyil.
Şübhəli şəxs artıq saxlanılıb.