ABŞ Dövlət Departamenti Polşaya hava hücumundan müdafiə və raketdən müdafiənin inteqrasiya olunmuş döyüşə nəzarət sistemi, həmçinin müvafiq avadanlığın 4 milyard dollar dəyərində mümkün satışını təsdiqləyib.
“Report” xəbər verir ki, bu barədə ABŞ-nin Müdafiə Nazirliyinin nəzdində Təhlükəsizlik sahəsində əməkdaşlıq agentliyi açıqlama yayıb.
“Təhlükəsizlik sahəsində əməkdaşlıq agentliyi bu gün tələb olunan sertifikatı təqdim edib və bu potensial satış barədə Konqresə məlumat verdi”, - açıqlamada qeyd olunub.
Həmçinin vurğulanıb ki, bu silahların Polşaya satışı ABŞ-nin döyüş hazırlığına xələl gətirməyəcək və regionda “əsas hərbi balansı dəyişməyəcək”.