ABŞ-ın Filadelfiya şəhərində (Pensilvaniya ştatı) sürücü avtomobili qəsdən piyadaların üstünə sürüb.
"Report" TASS-a istinadən xəbər verir ki, bu haqda polisə istinadən ABC telekanalı bildirib.
Məlumata görə, hadisə şəhərin şimal hissəsində yerləşən küçədə baş verib. Hadisə zamanı 6 nəfər xəsarət alıb. Zərərçəkənlər xəstəxanaya yerləşdirilib, onlardan birinin vəziyyəti ağırdır.
Qəzanı törədən şəxs saxlanılıb, onun şəxsiyyəti açıqlanmır.
Polis güman edir ki, sürücü piyadaları mübahisəyə görə avtomobillə vurub.
Daha əvvəl ABŞ-ın Darem şəhərində (Şimali Karolina ştatı) yaşayış binasında partlayış baş verib.