Özbəkistanın "Xalq Bank”ı maliyyələşdirdiyi layihə çərçivəsində Azərbaycanda olan şirniyyat müəssisələrinin biri ilə əməkdaşlıq etməklə onlardan bişirmə texnologiyası öyrəniləcək.
Bu barədə “Report”a Bakıda keçirilən Özbəkistan-Azərbaycan qadın sahibkarlarının biznes forumu çərçivəsində “Xalq Bank”ın İdarə Heyətinin sədr müavini Gülzoda Rəşidova deyib.
"Həmçinin Özbəkistana Azərbaycan milli kulinariyasına aid şirniyyatlar tədarük edilərək ölkəmizdə satışı təşkil olunacaq", - G. Rəşidova bildirib.
Onun sözlərinə görə, bu layihə Özbəkistanda Azərbaycan şirniyyatlarına olan marağı nəzərə alaraq həyata keçirilir: "Belə ki, bank Özbəkistan şirkətlərindən birinə təxminən 2-3 milyon ABŞ dollarlıq yatırım edəcək. Həmin şirkət də Azərbaycanda "Ləzzət" şirkəti ilə əməkdaşlıq edəcək".