Bu ilin yanvar-oktyabr aylarında Gürcüstan Azərbaycandan 4,62 milyon ABŞ dolları dəyərində 5 min 715 ton süd və qaymaq idxal edib.
“Report”un Gürcüstanın Milli Statistika İdarəsinin məlumatları əsasında apardığı hesablamalara əsasən, bu, 2022-ci ilin eyni dövrünün göstəricisindən dəyər ifadəsində 11 dəfə, kəmiyyət olaraq – 18 dəfə çoxdur.
Beləliklə, Azərbaycan Gürcüstana süd və qaymaq tədarük edən ölkələr sırasında 1-ci yerdə (dəyərə görə isə 3-cü yerdədir) qərarlaşıb.
Hesabat dövründə Gürcüstan xarici ölkələrdən 37,4 milyon ABŞ dolları dəyərində 21 min 385 ton süd və qaymaq alıb ki, bu da bir il əvvəlki göstəricilərdən müvafiq olaraq 7,5 % və 37,3 % çoxdur.
2023-cü ilin 10 ayı ərzində Gürcüstana Belarusdan 7,74 milyon ABŞ dolları dəyərində 3 min 640 ton, Niderlanddan 4,68 milyon ABŞ dolları dəyərində 1 min 373 ton, İrandan 4,17 milyon ABŞ dolları dəyərində 1 min 849 ton, Rusiyadan 3,8 milyon ABŞ dolları dəyərində 2 min 272 ton süd və qaymaq gətirilib.
Xatırladaq ki, 2022-ci ildə Gürcüstan xaricdən 46,1 milyon ABŞ dolları dəyərində 20 min 359 ton süd və qaymaq alıb ki, bunun da 842 min ABŞ dolları dəyərində 795 tonu Azərbaycanın payına düşüb.