Bu ilin yanvar ayında Azərbaycan xarici ölkələrlə 2,412 milyard ABŞ dolları dəyərində ticarət əməliyyatı aparıb.
“Report” Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 15,4 % azdır.
Ötən ay xarici ticarət dövriyyəsinin 1,624 milyard dolları ixracın, 788 milyon dolları isə idxalın payına düşüb. Son 1 ildə ixrac 23,8 % azalıb, idxal isə 9,3 % artıb.
Son nəticədə xarici ticarətdə 837 milyon dollarlıq müsbət saldo yaranıb. Bu, illik müqayisədə 40,6 % azdır.