Avtomobillərdə siqaret çəkilməsinin qadağan olunması təklif edilir

Deputat: “Sürücü siqareti çəkən zaman kül şalvarına düşür, o da külü təmizləməyə çalışır”.

Deputat: “Sürücü siqareti çəkən zaman kül şalvarına düşür, o da külü təmizləməyə çalışır”.

Bakı. 24 sentyabr. REPORT.AZ/ Milli Məclisin (MM) deputatı Araz Əlizadə avtomobillərdə siqaret çəkilməsinin qadağan olunmasını təklif edib.

“Report”un xəbərinə görə, deputat bu təklifi MM-in Əmək və sosial siyasət komitəsinin bu gün keçirilən iclasında səsləndirib.

A.Əlizadə deyib ki, sürücünün siqaret çəkməsi idarəetmənin itirilməsinə səbəb ola bilər: “Sürücü siqareti çəkən zaman siqaretin külü şalvarına düşür, sürücü külü təmizləməyə çalışır, bu zaman da onun diqqəti yoldan yayınır. Ona görə də bunu qadağan etmək lazımdır”.