Braziliyada yanğın olub, ölənlər və itkin düşənlər var

Bakı. 10 may. REPORT.AZ/ Braziliyanın San-Paulu şəhərindəki göydələnlərdən birində yanğın olub.

"Report" xəbər verir ki, bu barədə "Globo" telekanalı məlumat yayıb.

Məlumata görə, hadisə zamanı 5 nəfər yanaraq ölüb. Ekspertiza cəsədlərin 2-nin uşaqlara məxsus olduğunu müəyyənləşdirib.

Hadisə zamanı daha 6 nəfər itkin düşüb. Yanğında ölənlərin sayı hələ dəqiqləşdirilməyib.