Azərbaycan və Türkiyə XİN-nin mətbuat katiblikləri arasında məsləhətləşmələr keçirilib

Ankarada Azərbaycan Xarici İşlər Nazirliyinin (XİN) mətbuat katibliyi ilə Türkiyə Xarici İşlər Nazirliyinin mətbuat katibliyi arasında məsləhətləşmələr keçirilib.

“Report” xəbər verir ki, bu barədə Azərbaycan Xarici İşlər Nazirliyinin (XİN) mətbuat katibi Leyla Abdullayeva özünün “Twitter” səhifəsində məlumat verib.

İclasda ölkəmizi Azərbaycan XİN-nin mətbuat katibi Leyla Abdullayeva, Türkiyə tərəfini isə bu ölkənin XİN mətbuat katibi Hami Aksoy təmsil edib.

Görüşdə katibliklər arasında əməkdaşlıq imkanları və birgə fəaliyyət haqqında yeni təşəbbüslər müzakirə edilib. Eyni zamanda tərəflər arasında mübadilənin davamlı olması barədə razılıq əldə olunub.