Hindistan XİN başçısı Azərbaycana rəsmi səfər edəcək

Bakı. 3 aprel. REPORT.AZ/ Hindistanın xarici işlər naziri xanım Suşma Svarac aprelin 4-də Azərbaycanda rəsmi səfərdə olacaq. 

XİN-dən "Report"a verilən məlumata görə, səfər çərçivəsində nazir Suşma Svaracın azərbaycanlı həmkarı Elmar Məmmədyarov ilə görüşü və Qoşulmama Hərəkatının Nazirlər Konfrasında iştirakı nəzərdə tutulub.

Görüşdən sonra Azərbaycan və Hindistan xarici işlər nazirlərinin birgə mətbuat konfransı keçiriləcək.