Bəzi xəstəxanaların əlillik dərəcələrinin təyin edilməsi üçün göndərişləri tam doldurmadığı aşkarlanıb

Bakı. 19 aprel. REPORT.AZ/ "Əlillik dərəcələrinin təyin edilməsi ilə bağlı bəzən tibb müəssisələri tərəfindən Tibbi Sosial Ekspert Komissiyalarına (TSEK) göndərilən elektron göndərişlər qanunvericiliklə müəyyən edilmiş qaydada tam doldurulmur ki, bu da həmin TSEK-lər tərəfindən müvafiq göndərişlərdən imtina edilməsi ilə nəticələnir".

"Report" xəbər verir ki, bu barədə Azərbaycanda İnsan hüquqlarının və azadlıqlarının təmin edilməsi və müdafiəsinin vəziyyəti haqqında Azərbaycan Respublikası İnsan Hüquqları üzrə Müvəkkilinin (Ombudsmanın) 2017-ci il üzrə illik məruzəsində bildirilib.