Gürcüstanda bəzi məktəblərdə dərslərin başlanması təxirə salınıb

Gürcüstanın bəzi ictimai məktəblərində yeni 2019-2020-ci tədris ilinin başlanması təxirə salınıb.

“Report”un yerli bürosu xəbər verir ki, buna səbəb həmin məktəblərdə təmir-bərpa işlərinin davam etdirilməsidir.

Artıq bir neçə məktəbdə yeni dərs ilinin başlanma tarixi oktyabr ayının 1-nə təyin olunub.

Tədrisin təxirə salınacağı məktəblərin siyahısı yaxın günlərdə açıqlanacaq.

Qeyd edək ki, qonşu ölkədə yeni tədris ili sentyabrın 16-da başlayacaq.