İngiltərə Mərkəzi Bankı uçot dərəcəsini dəyişməyib

Bakı. 13 sentyabr. REPORT.AZ/ İngiltərə Mərkəzi Bankı (BoE) bugünkü iclasında uçot dərəcəsini 0,75% səviyyəsində sabit saxlayıb.

"Report" bu barədə xarici mətbuata istinadən xəbər verir. 

Məlumata görə, BoE həmçinin monetar stimullaşdırma proqramının həcmini 435 mlrd. funt sterlinq (584 mlrd. ABŞ dolları), korporativ istiqrazlar proqramının həcmini isə 10 mlrd. funt sterlinq (13,4 mlrd. dollar) saxlayıb.