Vüsal Hüseynov: "Azərbaycanda qaçqın statusu ilə yaşayanlar arasında İran vətəndaşları daha çoxdur"

Bakı. 11 yanvar. REPORT.AZ/ "Azərbaycanda qaçqın statusu ilə yaşayanların arasında İran vətəndaşlarının sayı üstünlük təşkil edir".

"Report" xəbər verir ki, bunu Dövlət Miqrasiya Xidmətinin 2018-ci ilin yekunlarına həsr olunmuş mətbuat konfransında xidmət rəisi Vüsal Hüseynov deyib.

O bildirib ki, hazırda Azərbaycanda 78 nəfər qaçqın statusu ilə yaşayır: "Ölkədə qaçqın statusu ilə yaşayanların 5 nəfəri Liviyadan, 28 nəfər Əfqanıstandan, 2 nəfəri Pakistandan, 43 nəfəri isə İrandan olan şəxslərdir".