Peşəkar Futbol Liqası "Qarabağ" - "Neftçi" matçındakı mübahisəli epizodla bağlı video yayımlayıb - VİDEO

Bakı. 4 fevral. REPORT.AZ/ Peşəkar Futbol Liqası (PFL) Azərbaycan Premyer Liqasının XV turunda keçirilmiş "Qarabağ" - "Neftçi" matçı ilə bağlı video yayımlayıb.

"Report" xəbər verir ki, qurum "YouTube" kanalı vasitəsi ilə görüşdəki birinci qolu paylaşıb. Həmin epizodda qolun qaydalar çərçivəsində vurulduğu bəlli olub.

Qeyd edək ki, qarşılaşma 1:1 hesabı ilə başa çatıb. "Qarabağ"ın futbolçusu Dani Kintananın 6-cı dəqiqədə vurduğu qol bəzi müzakirələrə səbəb olub. "Neftçi"nin oyunçusu Mamadu Mbodj 30-cu dəqiqədə tarazlığı bərpa edib.