Meksikada qaz sisterni partlayıb, xəsarət alanlar var

Bakı. 6 may. REPORT.AZ/ Meksikada maye qazın olduğu sistern partlayıb.

"Report" TASS-a istinadən xəbər verir ki, bu barədə "Televisa" telekanalının saytı məlumat yayıb.

Məlumata görə, hadisə ölkə paytaxtının mərkəzi hissəsində baş verib. Partlayış nəticəsində 8 nəfər xəsarət alıb.

Bununla yanaşı, 12 mənzilə ciddi zərər dəyib, 20 ailə təxliyyə edilib. İlkin məlumata görə, partlayış zamanı ziyan çəkmiş yaşayış binasını bərpa etmək mümkün deyil.

Partlayışın baş verməsi səbəbi barədə məlumat yoxdur.