Texasda təyyarə qəzası nəticəsində 6 nəfər ölüb

Bazar ertəsi səhər ABŞ-ın Texas ştatında ikimühərrikli təyyarənin qəzaya uğraması nəticəsində 6 nəfər həyatını itirib.

"Report" xəbər verir ki, bu barədə Federal Aviasiya Administrasiyası məlumat yayıb.

Bildirilir ki, qəza "Beechcraft BE58" tipli təyyarə Kerrvill bələdiyyə aeroportuna eniş etməyə hazırlaşarkən baş verib.

Təyyarənin qalıqları hava limanından 8 min şimal-qərbdə tapılıb. Uçuş aparatı Qərbi Hyuston aeroportundan havaya qalxıb.