Bakı. 10 mart. REPORT.AZ/ "Roma Papası Fransiskin Azərbaycana səfərinə hazırlıqlar gedir".
"Report" xəbər verir ki, bunu jurnalistlərə açıqlamasında Roma Katolik Kilsəsinin ordinarisi Vladimir Fekete deyib.
O, bildirib ki, Vatikanın Cənubi Qafqaz üzrə elçisi nunsi Marek Solçinski hazırda səfərin detallarını müzakirə etmək üçün Romadadır.
V.Feketenin sözlərinə görə, Roma Katolik kilsəsinin rəhbərinin Bakıya səfərinin dəqiq tarixi hələlik məlum deyil.