Bakı. 8 mart. REPORT.AZ/ Rumıniyanın xarici işlər nazirinin müavini Daniel İonitse Bakıya səfər edəcək.
Rumıniyanın Azərbaycandakı səfirliyindən "Report"a verilən məlumata görə, səfər martın 10-11-də Bakıda keçiriləcək IV Qlobal Forumda iştirakla bağlıdır.
Nazir müavinindən əlavə, bu tədbirdə iştirak etmək üçün ölkəmizə Rumıniyanın üçüncü prezidenti Emil Konstantinesku da gələcək.