​Novruz Məmmədov: “Gördünüz, CNN-in Amanpuru necə “ədalətli və dahi” jurnalistdir?”

Bakı. 24 iyun. REPORT.AZ/ “Gördünüz, CNN-in Amanpuru necə “ədalətli və dahi” jurnalistdir? Son illərdə Azərbaycanla bağlı ən böyük hadisəni dünya ictimaiyyətinə təqdim etmək şansı qazandı. Nəhayət həsrətlə gözlədiyi Emin Hüseynov adlı birisini tapıb onunla söhbətə düz 10 dəqiqə həsr etdi”.

“Report”un xəbərinə görə bunu Azərbaycan Respublikası Prezidenti Administrasiyası (PA) rəhbərinin müavini, PA-nın Xarici əlaqələr şöbəsinin müdiri Novruz Məmmədov özünün “twitter” hesabında yazıb.

“CNN üçün son illərdə Azərbaycanda baş verən ən böyük hadisə bu oldu. İndi başlayacaqlar Emin Hüseynovu qəhrəman etməyə. Amanpura isə Nobel mükafatı düşür”, - N.Məmmədov ironiya ilə bildirib.