Bakı. 13 yanvar. REPORT.AZ/ Hindistanın sənaye və ticarət naziri Nirmala Sitaraman Azərbaycana səfər edəcək.
Hindistanın Azərbaycandakı səfiri Sancay Rananın "Report"a verdiyi məlumata görə, səfər aprel ayında baş tutacaq.
Səfirin sözlərinə görə, səfərin dəqiq tarixi hazırda diplomatik kanallar vasitəsilə dəqiqləşdirilir. Səfər zamanı iki ölkə arasında ticarət əlaqələrinin gücləndirilməsi ilə bağlı ətraflı müzakirələr aparılacaq.