Bakı. 16 iyul. REPORT.AZ/ Nitsada törədilmiş terror aktı ilə əlaqədar Fransanın Azərbaycandakı səfirliyində xatirə kitabı açılacaq.
Səfirlikdən "Report"a verilən məlumata görə, kitab bazar ertəsi saat 10:00-dan 13:00-dək açıq olacaq.
Xatırladaq ki, Tunis əsilli fransızın Nitsada törətdiyi terror aktı nəticəsində 84 nəfər həlak olub, 100-dən çox insan yaralanıb. Terror hücumuna görə, məsuliyyəti üzərinə İŞİD terror qruplaşması götürüb.
Hadisə ilə əlaqədar Fransada iyulun 16-dan etibarən üç günlük matəm elan edilib.