Elmar Məmmədyarov Moskvaya gedib

Bakı. 17 iyul. REPORT.AZ/ Azərbaycanın xarici işlər naziri Elmar Məmmədyarovun Moskvaya rəsmi səfəri başlayıb. 

Bu barədə "Report"a Azərbaycan XİN mətbuat xidmətindən bildiriblər. 

Məlumata əsasən, nazir rusiyalı həmkarı Sergey Lavrovla görüşəcək. Görüşdə ikitərəfli əməkdaşlıq məsələləri, Dağlıq Qarabağ münaqişəsinin həlli də daxil olmaqla, dünya və regional məsələlərin müzakirəsi gözlənilir.