Əfqanıstan Prezidenti Azərbaycana işgüzar səfərə gəlib

Bakı. 1 dekabr. REPORT.AZ/ Dekabrın 1-də Əfqanıstan İslam Respublikasının Prezidenti Əşrəf Qəni Əhmədzay Azərbaycan Respublikasına işgüzar səfərə gəlib. “Report”un məlumatına görə, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Əfqanıstan Prezidenti Əşrəf Qəni Əhmədzayı hava limanında Azərbaycanın energetika naziri Natiq Əliyev və digər rəsmi şəxslər qarşılayıblar.