Bakı. 20 mart. REPORT.AZ/ ABŞ Azərbaycan qeyri-hökumət təşkilatlarının 4 xadiminin azadlığa buraxılmasını alqışlayır. "Report" ABŞ Dövlət Departamentinə istinadən xəbər verir ki, bu barədə qurumun rəsmi nümayəndəsi Cen Psakinin bəyanatında deyilir.
"Biz Azərbaycanı yaxın aylar ərzində bu istiqamətdə əlavə müsbət addımlar atmağa çağırırıq", - C.Psakinin bəyanatında qeyd olunub.
Xatırladaq ki, martın 18-də Azərbaycan Prezidenti İlham Əliyev 101 nəfərin əfv olunması haqqında sərəncam imzalayıb.