Elmar Məmmədyarov: "Bako Saakyan Böyük Britaniyaya Ermənistan pasportu ilə şəxsi səfər edib"

Bakı. 10 iyul. REPORT.AZ/ "Bako Saakyan Böyük Britaniyaya Ermənistan pasportu ilə şəxsi səfər edib".

"Report" xəbər verir ki, bu barədə Azərbaycanın Xarici işlər naziriElmar MəmmədyarovAzərbaycanın işğal altında olan ərazilərində fəaliyyət göstərən separatçı rejimin rəhbəri Bako Saakyanın Londona səfərini şərh edərkən bildirib.

"Belə ki, onun Böyük Britaniya parlamentində çıxış etdiyini demək olmaz", - Məmmədyarov vurğulayaraq, bu faktın araşdırılmasının lazım olduğunu da qeyd edib.

E. Məmmədyarov əlavə edib ki, əvvəllər də həmişə B.Saakyan Ermənistan pasportunu istifadə edərək Fransa və ABŞ səfər edib: "Beləliklə, bu səfərləri şəxsi səfər kimi qiymətləndirmək olar".

Elmar Məmmədyarov deyib ki, Azərbaycanın Böyük Britaniyadakı səfirliyi bu ölkəyə həmin səfərlə bağlı öz etirazlarını bildirib. Nazir vurğulayıb ki, əyər "Chatham House"-da Bako Sahakyanın çıxışı olubsa, onda oradaDağlıq Qarabağın azərbaycanlı icmasının da mövqeyi dinlənilməlidir: "Əgər B.Saakyan "Chatham House"-da çıxış edib Dağlıq Qarabağın erməni icmasının mövqeyini bildiribsə, biz Dağlıq Qarabağın azərbaycanlı icmasının mövqeyini də dinləmək üçün şərait yaradılması haqqında danışıqlar apardıq.

XİN rəhbəri bildirib ki, çıxışın tarixi Azərbaycanın Londondakı səfirliyi tərəfindən dəqiqləşdirilir.