Bakı. 29 iyun. REPORT.AZ/ Azərbaycanın mədəniyyət və turizm naziri Əbülfəs Qarayev Nyu-Yorkda BMT Baş Assambleyasının prezidenti Mogens Lyukketoft ilə görüş keçirib.
"Report" BMT-nin mətbuat xidmətinə istinadən xəbər verir ki, Ə.Qarayev bu il 25-27 aprel tarixləri arasında Bakıda keçirilmiş BMT-nin Sivilizasiyalar Alyansının 7-ci Qlobal Forumunun nəticələri barədə M.Lyukketofta məlumat verib.
Tərəflər bütün dünya üzrə gənclərin və uşaqların üzləşdiyi ekstremizm və terrorizm kimi problemləri həll etmək üçün BMT-nin səylərini ikiqat artırmalı olmasının zəruriliyini vurğulayıb.
Görüşdə, həmçinin qaçqınlar və Azərbaycanın onlara göstərdiyi yardım məsələsinə toxunulub.
Ə.Qarayev eyni zamanda BMT Baş Assambleyasının prezidentini 2017-ci ilin yazında Bakıda Mədəniyyətlərarası Dialoq üzrə Dünya Forumunun keçiriləcəyi ilə bağlı da məlumatlandırıb.