Bakı. 17 avqust. REPORT.AZ/ Azərbaycanın ən uca zirvəsi olan Bazardüzü dağında Birləşmiş Ərəb Əmirliklərinin (BƏƏ) bayrağı qaldırılıb.
Bu barədə "Report"a BƏƏ-nin Azərbaycandakı səfirliyindən bildirilib.
Məlumata əsasən, Birləşmiş Ərəb Əmirliklərinin Azərbaycandakı müvəqqəti işlər vəkili Abdulla Casim əl-Şəmsi Bazardüzü zirvəsinə qalxaraq, orada BƏƏ və Azərbaycan bayraqlarını yüksəldib.
Əl-Şəmsi bundan əvvəl də Azərbaycanın uca zirvələrinə qalxaraq, orada iki dövlətin bayraqlarını qaldırıb.