Bakı. 10 fevral. REPORT.AZ/ Azərbaycan xarici işlər nazirinin müavini Araz Əzimov ATƏT-in Daimi Şurasının Vyanada keçiriləcək iclasında iştirak edəcək.
Diplomatik mənbələrdən "Report"a verilən məlumata görə, A.Əzimov fevralın 11-də iclasda çıxış edəcək.
İclasda Dağlıq Qarabağ münaqışəsinin həllinin hazırkı vəziyyəti müzakirə olunacaq.
Daimi Şura ATƏT-in qərarların qəbulu üzrə əsas daimi fəaliyyət göstərən orqanıdır. Şura hər həftə Vyanada bir araya gəlir və müvafiq qərarlar qəbul etmək üçün ATƏT məkanında mövcud vəziyyəti müzakirə edir.