​Azərbaycan Suriyada müharibənin dayandırılması qərarını alqışlayır

Bakı. 23 fevral. REPORT.AZ/ Azərbaycan Suriyada müharibənin dayandırılması qərarını alqışlayır.

"Report" xəbər verir ki, bunu Tehrana səfəri zamanı iranlı həmkarı Həsən Ruhani ilə birgə mətbuat konfransında Azərbaycan prezidenti İlham Əliyev bildirib.

"Bu gün, eyni zamanda, regional məsələlər müzakirə edildi. Dünən elan olundu ki, ABŞ və Rusiya Suriyada müharibənin dayandırılması haqqında qərara gəlib. Biz bu razılaşmanı alqışlayırıq. Biz dəfələrlə bəyan etmişdik ki, Suriyada vəziyyəti normallaşdırmaq üçün ilk növbədə, atəşkəs yaradılmalıdır, ondan sonra sülh bağlanmalıdır və Suriya xalqı gələcəyini, taleyini özü müəyyən etməlidir. Bütün ölkələr bir-birinə hörmətlə yanaşmalıdır, bir-birinin işinə qarışmamalıdır. Belə olan halda müharibələr də dayanacaq, qarşıdurmalar da azalacaq", - deyə dövlət başçısı qeyd edib.