Bakı. 13 dekabr. REPORT.AZ/ Azərbaycan prezidenti İlham Əliyev Keniya xalqını Müstəqillik günü münasibətilə təbrik edib.
"Report" xəbər verir ki, prezident bu məqsədlə keniyalı həmkarı Uhuru Kenyattaya təbrik məktubu ünvanlayıb.
"Hörmətli cənab Prezident, Keniya Respublikasının milli bayramı – Müstəqillik günü münasibətilə Sizi və bütün xalqınızı öz adımdan və Azərbaycan xalqı adından ürəkdən təbrik edirəm.
Bu əlamətdar gündə sizə möhkəm cansağlığı, işlərinizdə uğurlar, dost Keniya xalqına sülh və tərəqqi arzulayıram", - deyə məktubda bildirilir.