Avropa Şurasının insan hüquqları üzrə komissarı Azərbaycana gələcək

Bakı. 17 oktyabr. REPORT.AZ/ Avropa Şurasının (AŞ) insan hüquqları üzrə komissarı Nils Muyjnieks gələn həftə Azərbaycana gələcək. Avropa Şurasının mətbuat xidmətindən "Report"a bildirilib ki, oktyabr ayının 22-24-də gerçəkləşəcək səfəri zamanı N.Muyjnieks rəsmi şəxslər, Azərbaycanın mülki cəmiyyətinin nümayəndələri ilə bir sıra görüşlər keçirəcək. Həmin görüşlərdə ölkədə insan hüquqları ilə bağlı vəziyyət müzakirə olunacaq.

Bu səfər AŞ komissarının bu ayda Cənubi Qafqaza etdiyi ikinci səfəri olacaq. Oktyabr ayının əvvəllərində N.Muyjnieks Ermənistana səfər edib.