​Avropa Şurası Parlament Assambleyasına yeni prezident seçilib

Bakı. 28 sentyabr. REPORT.AZ/ İspaniya Parlamentinin deputatı Pedro Aqramunt Avropa Şurası Parlament Assambleyasının (AŞPA) yeni prezidenti seçilib.

"Report" xəbər verir ki, P.Aqramunt bu gün AŞPA-nın payız sessiyası çərçivəsində qurumda ən böyük qrup olan Avropa Xalq Partiyasının prezidenti seçilib.

Bununla da o, 2016-cı ilin yanvar ayından etibarən avtomatik olaraq AŞPA-nın prezidenti olacaq.

Xatırladaq ki, P.Aqramunt AŞPA-nın Monitorinq Komitəsinin Azərbaycan üzrə həmməruzəçisi olub.