Bakı. 29 yanvar. REPORT.AZ/ Türkmənistanın paytaxtı Aşqabadda Azərbaycan, Türkiyə və Türkmənistan xarici işlər nazirləri Elmar Məmmədyarov, Mövlud Çavuşoğlu və Rəşid Meredov arasında üçtərəfli görüş başlayıb.
"Report" Türkiyənin "Anadolu" agentliyinə istinadən xəbər verir ki, üçtərəfli görüş başlamazdan əvvəl nazirlər ikitərəfli görüşlər keçirib.
Görüşdə tərəflər arasında beynəlxalq və regional xarakterli məsələlər ətrafında müzakirələr aparılacaq. Burada əsas məsələ kimi energetika sahəsindəki əməkdaşlıq perspektivləri də müzakirə obyekti olacaq.
Qeyd edək ki, bu formatda ilk görüş ötən il mayın 26-da Bakıda baş tutmuşdu.