​ABŞ Senatı Azərbaycan və Ermənistana maliyyə yardımı ayrılması barədə sənədi təsdiqləyib

Bakı. 30 iyun. REPORT.AZ/ ABŞ Senatı 2017-ci il üçün Azərbaycana 10,9 milyon dollar, Ermənistana 24,1 milyon dollar həcmində maliyyə yardımının ayırılması haqda sənədi təsdiqləyib.

"Report" xəbər verir ki, bu haqda Ermənistan KİV-i məlumat yayıb.

ABŞ-ın 2017-ci il üçün nəzərdə tutulan dövlət büdcəsinə Azərbaycan və Ermənistan üçün bərabər həcmdə, hər birinə 22 milyon dollar maliyyə yardımı ayrılması təklif edilirdi.