Bakı. 28 sentyabr. REPORT.AZ/ Bu ilin avqust ayında Türkiyədəki otellərin doluluq əmsalı 53,4% təşkil edib.
"Report" xarici mətbuata istinadən xəbər verir ki, bu barədə Türkiyə Otellər Assosiasiyasının hesabatında bildirilir.
Hesabatda qeyd olunur ki, ötən ay doluluq əmsalı 2015-ci ilin eyni dövrü ilə müqayisədə 27,4% bəndi azalıb. Ən çox azalma İstanbulda qeydə alınıb - 33,6% bəndi. Bu il İstanbul otellərində doluluq əmsalı 50,4% olub.
Son 8 ayda isə Türkiyədəki otellərin orta doluluq əmsalı 49,7% təşkil edib. Bu da keçən ilin eyni dövründəkindən 21,8% bəndi azdır.
Builki turizm mövsümü dəyərləndirən asssosiasiya onun "boş" keçdiyini bildirib.