"Bakutel-2014" sərgisində 200-ə yaxın şirkət iştirak edəcək

Bakı. 28 noyabr. REPORT.AZ/ Dekabr ayının 2-5-də "Baku Expo Center" Sərgi Kompleksində keçiriləcək "Bakutel" kommunikasiya və informasiya texnologiyaları sərgisində dünyanın 23 ölkəsindən 195 xarici və yerli şirkət iştirak edəcək. Bu barədə "Report" "Bakutel" saytına istinadən xəbər verir.

Sərgidə HP, Lenovo, Huawei, ElbitSystems, Intel və s. kimi məşhur şirkətlər iştirak edəcəklər. 

Sərgidə ən çox iştirakçı Azərbaycandan olacaq. Tədbirdə Azərbaycanın 58 şirkəti təmsil olunacaq.