Bakı. 12 mart. REPORT.AZ/ Bakı şəhərinin “Bakı-Ekspo” mərkəzində “DecorExpo II Beynəlxalq Mebel, Ev Tekstili və Ev Avadanlıqları Sərgisi” keçiriləcək. “Report” Azpromo-ya istinadən bildirir ki, sərgi aprelin 28-dən 30-dək davam edəcək.
Sərgidə mebel, ev tekstili və ev avadanlıqları istehsalçıları və alıcıları görüşüb işgüzar əlaqələr yaratmaq imkanları əldə edəcəklər.
Sərginin təşkilatçıları Türkiyə Respublikasının “Atılım Fuarcılık Tic. Ltd” və “Elan Expo” şirkətləridir. Sərgi ilə bağlı ətraflı məlumat əldə etmək istəyənlər Azpromo-ya müraciət edə bilər.